Plenke, Plenk, Plenkskes

Zuug dao ins! Wat ’n lekker pere!
En noe nao sjaol touw? Nein dat neet!
Iech gaon mer plenke, en probere   } bis
Wat of dat perebuimke zeet.’              } bis

Meh um deen hoof mèt die sjoen pere,
Dao stoont ’n hèk vaan plenk gemaak;
Ziech daodoor laote koejenere,           } bis
Waos niks veur zoe’ne kleine snaak. } bis

‘r Kaom ouch dreuver. Mèh ocherm!
D’n dokter kaom debij te pas.
Dee deeg twie plenkskes um d’n erm } bis
En maakden ‘m mèt gips toen vas.       } bis

“Plenke, Plenk, Plenkskes” is gemaak in 1920. Fons Tuinstra (1897-1971) verzörgde d’n teks en vaan Theo Bosman waor de meziek.
Es e keend stiekem neet nao sjaol touw góng woort dat ‘plenke’ geneump. Plenke is dus ’t Hollandse spijbelen!

Dit bericht is geplaatst in Kinderleedsjes, Leedsjes met de tags . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *