Sinterklaos dee heet gezag

Sinterklaos
dee heet gezag
Veer mage speule
Veer mage speule
Sinterklaos
dee heet gezag
Veer mage speule de gansen daag
Krik krak
Sjiemlala
Sjiemlala
Sjiemlala
Krik krak
Sjiemlala
Sjiemlala

Bij “krik krak sjiemlala” weure de han langsein geslage wie mèt twie klaters (dèksele).
In ‘ne mèt de hand gesjreve leedsjeskajee oet 1890 stoont e leedsje in Gelders dialek: “Die lelke hoed”. Dit heet dezelfde wijs es eus sinterklaosleedsje meh ‘nen aanderen teks. Es refrein zónge ze dao neet “krik krak sjiemlala” mer “Trip trap troelala” .¹)

Die lelke hoed, die lelke hoed,
die laot ik verven, die laot ik verven.
Die lelke hoed, die lelke hoed,
die laot ik verven dan is ie goed.
Trip, trap, troelala, troelala, troelala
Trip, trap, troelala, troelalalalom.

Olterdissen gebruuk in zien “Trijn de begijn” ouch dees wijs mèt de volgenden teks:

Zjang sjei oet, Zjang sjei oet
De deis us bubbele
De deis us bubbele
Zjang sjei oet, Zjang sjei oet
De deis us bubbele, veer zien gans droet!

Wijer zien nog 2 tekste bekind op dees wijs. D’n Iersten teks waor in de ouge vaan de Mestreechse sjrijver C.Breuls, dee leefde vaan 1838-1923, …………”erger es veis. Veer zalle dit soort straotleedsjes mer neet aon de vergetelheid oontrèkke” sjrijf heer. ¹) Heer bedoelde daomèt d’n teks, dee volwassene op dit kinderleedsje gemaak hadde:

Sinterklaos dee heet gezag
Veer mage hoedele, veer mage hoedele
Sinterklaos dee heet gezag
Veer mage hoedele de ganse nach
En en sjuif mer op, sjuif mer op ……..

Hei is deen aanderen teks:

Zjang sjei oet, Zjang sjei oet
De sjäörs m’n hummeke
De sjäörs m’n hummeke.
Zjang sjei oet, Zjang sjei oet
De sjäörs m’n hummeke vaan oonderoet ²)

Bronne:
¹)Broeder Ananias (J.H.Devries)”Sinterklaos- en
Keersleedsjes” blz.3
²)“Mastreechse Preùtsches” C.Breuls blz.30 oetgegeve in 1916

Dit bericht is geplaatst in Kinderleedsjes, Leedsjes, Sinterklaosleedsjes met de tags . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *