Sinterklaos, zeet meer

Sinterklaos zeet meer
Hèlt vaan zeut, zeet meer
Peperkook, zeet meer,
En vaan neut, zeet meer,
En ‘ch weit vas, zeet meer
Biste wèld, zeet meer
Tot heer neet, zeet meer
vaan diech hèlt.

Heer let op, zeet meer
Wieste sjrijfs, zeet meer
Boeste geis, zeet meer,
Boeste blijfs, zeet meer,
Wieste leus, zeet meer,
Wieste tèls, zeet meer,
Ofste al, zeet meer.
Good oonthèls.

In de zak, zeet meer,
Vaan dee mins, zeet meer,
Zit wel get, zeet meer,
Watste kins, zeet meer,
Hiel väöl sjoens, zeet meer,
Geine kwatsj, zeet meer,
Meh oonderin, zeet meer,
’n Karwatsj.

Dus pas op, zeet meer,
Bis mer braaf, zeet meer,
Luuster good, zeet meer,
En neet haaf, zeet meer,
Doeg d’en bès, zeet meer,
Ouch in sjaol, zeet meer,
En watste vraogs, zeet meer,
Krijgst’ allemaol.

De milledie vaan dit leedsje is geliend vaan e Duits leedsje “In Berlin sagt er” oet de vaudeville “Wien in Berlin” oet 1824. Wienie ’t es sinterklaosleedsje góng fungere is miech neet bekind.
Broeder Ananias de Vries had ’t opgenome in “Sinterklaos en Keersleedsjes”, e bundelke wat deende um op de Kweeksjaol de touwkomstege oonderwijzers dees traditioneel leedsjes te liere.

Dit bericht is geplaatst in Kinderleedsjes, Leedsjes, Sinterklaosleedsjes met de tags . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *