Sjèlleboer

En daan zaot heer
op zie peerdsje
met ‘ne ringk al door zien neus!
Mèh de mós diech
niks verbeelde
want de bis nog geine reus!
Sjèlleboer hei
en sjèlleboer dao,
Sjèlleboer hei
en sjelleboer dao.
Sjèlleboer, sjèlleboer
de bis nog geine moer
Sjèlleboer, sjèlleboer
de bis nog geine moer(= moor).

In 1872 trok ‘nen optoch door de stad.
Deen optoch woort gehawwe ter gelegenheid vaan ’t 3×11 jaorig bestoon vaan de “Sociëteit Momus” en moot vaan ’n oonvergeteleke prach gewees zien.
In deen optoch woorte de vief werelddeile oetgebeeld. De touwsjouwers langs de kant vaan de weeg herkinde in de negerkeuning, dee Afrika mós veurstèlle, de sjèlleboer Vaan Lijf oet de Göbbelstraot. Deezelfden aovend zóng gans Mestreech dit leedsje. De mins is heidoor haos oonsterfelek gewore.
Dao weurt ouch wel ins ’t jaor 1878 geneump in verband mèt deen optoch. Meh dit is neet woersjijnelek umtot in fibberwarie vaan dat jaor Louis Polis, ein vaan de stiechters vaan de Momus, gestorve waor en daorum oet respek veur häöm geine vastelaovend gevierd woort en ’t de res vaan ’t jaor in de Momustempel ouch hiel stèl bleef.
Dit kint geer leze in ’t book “Momus Jubilei 1839 – 1938”. Oetgaof vaan Veldeke.

Dao besteit nog e leedsje euver ‘ne mèlkboer, dee vaan Lijf hètde. Volges miech kin ’t euver dezelfde persoen goon want dee melkboer zouw ouch wel ins de sjèlle op kinne hole, zoeget woort dèkser gecombineerd.
Volges Henri Schuhmacher (“Gedinksjrifte”) zaot ‘nen douve mèlkboer Vaan Lijf in ‘t bestuur vaan ‘Apollo’. Dat waor ‘n börgersociëteit boe snijders, nejeerse, bekkers, sjeunmekers en zoe lid vaan waore.
Vaan dit leedsje höb iech allein d’n teks. De wijs is m’ch neet bekind.

Veurziechtig meidskes veur Vaan Lijf
Es heer de sjèlle kump hole
’t Is ‘ne sjoene maan boete kijf
Mer neet ierlek in ’t aonhole
De mèlkkroek, de mèlkkroek
Dreug heer gemekelek veur z’ne boek
Mer meidskes zeet veurziechteg
Dee sjoene maan is listeg.

Bronne:
-“Mestreechter spraok doe zeute Taol” blz 31
-“Gedinksjrifte” Henri Schuhmacher

’t Volgende wouw iech uuch neet oonthawwe!
In ‘ne breef, gedateerd 20 miert 1941 vaan notaris Nijst oet Ech (L) aon Harie Loontjens in Mestreech weurt gesproke euver ‘t leedsje vaan de sjèlleboer:

Dit bericht is geplaatst in Leedsjes met de tags . Bookmark de permalink.