Slaop, kinneke slaop

Slaop kinneke slaop
D’n moojer is e sjaop
D’ne vaajer is ‘nen ossekop
En este neet stèl bis daan krijgste ‘rs trop
Slaop kinneke slaop
D’n meer dat is e sjaop

Slaop kinneke slaop
Dao achter kump e sjaop
Dat sjaop dat heet ‘ne zwarte poet
En zeet dat ’t kinneke slaope moot
Slaop kinneke slaop
Dao achter kump e sjaop

Wienie me in Mestreech dit leedsje is goon zinge is neet bekind. In “De Nieuwe Limburger” vaan 18 juni 1966 in ’n rubriek vaan Charles Thewissen steit dees versie vaan ’t leedsje. Thewissen had de lui opgerope um aw leedsjes nao häöm touw te sjikke.
De peer is in die inzending ‘nen ossekop. Mer in ’n aander versie is heer ‘ne geitebok.
Oersprunkelek waor dit e Duits leedsje oet ’t ind vaan de 18e ieuw, “Schlaf Kindl schlaf”.
D’n Duitsen teks geit zoe:

Schlaf Kindl schlaf
Der Vater hüt die Schaf
Die Mutter schüttelt ’s Bäumelein
Da fält herab ein Träumelein
Schlaf, Kindlein schlaf.

De ierste gesjreve teksversie vaan dit leedsje waor al in 1611 bekind!
Johann Friedrich Reichhardt (1752-1814) heet dit leedsje in 1781 bewerk veur’ t Philantropium. (Dat waor “Eine Schule der Menschenfreundschaft”).

In “Kinderliederbücher 1770-2000” vaan Barbara Boock stoon e paar versies boe-in ‘nen aanderen Duitsen teks op ’t leedsje gemaak is. Die tekste zien neet altied eve flejjend!
E paar vaan die tekste kint geer hei-oonder leze.
–In de zomer vaan 1849, nao de nederlaag van de revolutionaire gróppe, sjreef Ludwig Pfau ’t “Badische Wiegenlied”. Heer maak in dit leedsje vaan de ‘Pruus’ (eine oet de landstreek Pruissen) ’n aofsjrikwekkende figuur!

Schlaf, mein Kind, schlaf leis
Dort drauszen geht der Preuss
Deinen Vater hat er umgebracht
Deine Mutter hat er arm gemacht
Und wer nicht schläft in guter Ruh
Dem drückt der Preusz die Augen zu.
Schlaf mein Kind, schlaf leis
Dort drauszen geht der Preuss!

En neet allein ’t keend moot stèl zien en slaope goon.

Und Alle müssen wir stille sein
Als wie Dein Vater unter ‘m Stein
–En hei is ’n versie boe de “Pruus” weer neet good devaan kump! Ze is gemaak in Mecklenburg en is mondeling doorgegeve.

Schlaf, Kindchen, leise,
drauszen steht ein Preusse,
der Preusse hat eine blutige Hand
und streift damit durch’s ganze Land,
und wer nicht schläft in guter Ruh,
dem drückt der Preuss’ die Augen zu.

Dit bericht is geplaatst in Kinderleedsjes, Leedsjes met de tags . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *