’t Bed

Wat is zoe groet nudeg es ’t dageleks broed? ’t Bed.
Boe-in weurt geer gebore en boe gaot geer in doed? ’t Bed.
Boe druimp eder meidske vaan leefde en min,
Boe gaot geer lesteg oet mer gemekelek in?
Refrein:
In ’t bed, in ’t bed, in ’t bed
In ’t bed , in ’t bed, in’t bed

Boe zuch menneg vruike, boe blijf toch dee vent?
En huurt ze ‘m daan koume is ze toch weer content.
Boe kermp ze daan: aoch leven Twajn
iech waor toch gans allein zoe bang!

Boe zeet geer bevrijd vaan polletiek?
Boe snörke ze inkel in Mestreech of in Wiek?
Boe danse de vlu snachs eine quadriel
En boe komp geer noets oonder ‘nen otomobiel?

Boe krijg geer dèks de kramp in eur bein?
Boe ligk geer es ’t werm is gere allein?
Boe woorte veer dèks vaan eus ma gevleid
En boe höbbe veer dèks get in eus hummeke gedrejd?

Boe zeet geer veileger es in e vleegmasjien?
Boe slaop geer beter es in ’t spien?
Boe reup eur vrouw :”Zate lammeling”
En boe krijgste daan ouch nog ’n rammeling?

Boe ruuk ’t altied nao odeur?
Boe klets eur vrouw wie ‘ne souffleur?
Boe weurt geweldeg getranspireerd
En soms wel draodloos getelegrafeerd?

Boe krijg d’r geine voetbal op eure kop?
Boe kraak ’t soms vaan de erwtesop?
Boe komp geer saoves nog zoe laat
Terech al zeet geer nog zoe zaat?

De meker vaan dit leedsje is Sjo Smeets, dee leefde vaan 1875-1960.
Sjo wèrkde es oveninzètter vaan de ‘biskwie’ op’t groet febrik. Mèt hölp vaan brouwer Hustinx is heer in de Brakke ‘ne kaffee kinne beginne. Dee kaffe leep good. Heer is ouch nog in diverse aander kaffees oetbater gewees. En tegeliekertied trooj heer ouch op es humoris. Heer waor in zienen tied erg bekind en heet us väöl leedsjes naogelaote.
Sjo waor getrouwd mèt Tina Nijst en ze hadde 16 of 17 kinder. De vrouw vaan Sjo is op 11 mei 1940, dus op d’n twieden daag vaan d’n oorlog, op ’t Slevrouweplein slachoffer gewore vaan e lochgevech bove Mestreech.
Iech geef uuch e klein veurbeeld vaan d’n humor vaan Sjo;

Iech bin vaan ‘nen twieling en veer leke zoeväöl opein tot ze us neet oeterein kóste hawwe. Daorum doge ze d’n eine e roed strikske um en d’n aandere e blauw. Meh ins in ’t bad, zoonder strikske, is eine vaan de twie verdroonke en ze weite noe nog neet of iech ’t noe gewees bin of me broor.

Iech höb e gezètteartikel gevoonde euver Sjo ter gelegenheid vaan ziene 75e verjaordaag in 1950.
1909_Sjo_Smeets_gezetteartikel

Es geer ’t gans artikel leze wèlt kint geer klikke op de volgende link

http://www.delpher.nl/nl/kranten/view?query=Sjo+Smeets&coll=ddd&page=2&identifier=ddd%3A010417619%3Ampeg21%3Aa0084&resultsidentifier=ddd%3A010417619%3Ampeg21%3Aa0083

Bronne:
-Limburgs Dagblad 28-6-1950
-Limburgse Jaarkring vaan Karel Matthijs (sjuilnaom vaan Charel Thewissen)

Dit bericht is geplaatst in Leedsjes met de tags . Bookmark de permalink.

3 Responses to ’t Bed

  1. Marie-Thérèse schreef:

    Tiny ’t waor genete.
    ‘ ne dikke merci

  2. van der Linden schreef:

    Zijn al deze liedjes ,die mij wel iets zeggen,ook op muziekschrift (notenschrift) en tekst te verkrijgen?
    Als deze er zijn, kunt u mij dan ook vertellen waar ik die dan kan bestellen. Alvast bedankt voor de te nemen moeite.
    Hartelijke groeten,

    Theo van der Linden

    • tinyfeij schreef:

      Beste Theo

      Je kunt proberen om (tweedehands) “Mestreechter leedsjescahier no 1,2 en 3” te bemachtigen! Dat zijn gedrukte boekjes in de vorm van schriftjes, die uitgegeven zijn in 1989/90. Notenschrift en tekst van een flink aantal liedjes staan erin. Succes!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *