Vrouw Snel

Vrouw Snel
had in häör humme gesjete
en häöre maan
dee moch dat gaar neet wete.
Vrouw Snel
had in häör humme gekak
en häöre maan
dee snapde häör bij häöre nak.
En boeveur mie keend?
Wel tot dien humme stink!
Tiralala, tiralala
Tiralalalala, lala
Tiralala, tiralala
Tiralalalala, lala.

’t Taolgebruuk vaan dit leedsje is in eus oere neet erg fien! Meh in d’n tied tot dit leedsje oontstoont zagte de gewoen lui dat. Kakke waor e gans normaal woord, ‘ne kinderstool mèt zoe look in de zitting woort zelfs ‘ne kakstool geneump en dao waor niks verkierds bij.
Ouch ’t woord “sjiete” woort gebruuk. Me zag tege ’n wc “sjiethoes”, alhoewel ’t woord “huiske” netter waor! Wie kaom me detouw um te zègke:
“Iech gaon nao ’t huiske?”
Vreuger, wie me de “wc” nog neet mèt water kós doorspeule, stoonte die “wc’s” boete op de koer umtot ’t aanders binne te zier stoonk. Ze hadde de vörm vaan e klein huiske, vendao.

Dit bericht is geplaatst in Leedsjes met de tags . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *