Wie Zjezeke gebore woort

Wie Zjezeke gebore woort
Toen waor ’t tot me de ingele hoort:
Gloria! Gloria!
En ’t zach gewuif vaan hun vleugelkes
En e koer wie vaan doezend veugelkes
En harpe en sjalmeie
Die hoort me tössebeie:
Gloria! Gloria!

Wie Zjezeke in ’t stelke laog
Bezeuk toen vaan de herders kraog:
Gloria! Gloria!
Toen keek ’t ins mèt e bang geziech
Wie Selvruike ’t eve had opgeriech
Nao al die doonker minse
Die häöm noe kaome winse:
Gloria! Gloria!

Wie Zjezeke in ’t stelke sleep
Selvruike zöchde eve deep:
Gloria! Gloria!
Ze zöchde um ’t sjäöpke klein
Dat moos lije nog later hiel väöl pijn
Toch zóng in stèl verblije
Häör hart zoe tössebeie:
Gloria! Gloria!

Wie Zjezeke get kermde,
Sint Joezep ziech oontfermde:
Gloria! Gloria!
En stèl lag heer toen hiel zeutekes
’n Aajd dekensje op zien veutekes
Heer blaosde oet ’t leechske
En duide aon ’t weegske:
Gloria! Gloria!

Teks: Harie Loontjens,
Meziek: Henri Tijssen.
Gesjreve en gecomponeerd in 1936.

Dit bericht is geplaatst in Keersleedsjes, Leedsjes met de tags . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *