Wiek, Wiek, eus Wiek allein

Aon d’n euverkant vaan Treech
dao stoont ins eus weeg
dao höbbe veer eus jäög doorgebrach.
Veer späölde hiel blij
in Wiek op de wei
of vochte mèt die oet de Grach.
Veer höbbe geraos
op de Green aon de Maos
op ’t Overe en op de baon.
Bij ruizing op ’t Gräötsje
of in ’t Kattestäötsje
stoonte veer mèt eus neus gans väöraon.
Veer dinke zoe gere nog ‘ns trök
aon de jaore es keend dao in Wiek aon de brögk!

refrein:
In Wiek, Wiek, eus Wiek allein
vaan Zjèremiek tot de botermijn
aon ’t Kevinsje, Refugiehoes
aon ’t Waterpeurtsje voolte veer us thoes.
Wiek, Wiek, eus Wiek allein
vaan Zjèremiek tot de Botermijn
Nörges op de wereld veule veer us zoe riek
es in Wiek, in Wiek, in Wiek!

Eder jaor mèt de Broonk
daan steit Wiek te proonk
daan heet Wiek zie fieskleid weer aon.
’t Maak ziech daan sjoen
spreit alles ten toen
vaan hoes tot hoes hingk daan de vaon.
En eder Wiekeneer
is al vreug in de weer
en gruuts op de Broonk vaan oet Wiek.
Vaan wied koume ze loere
nao de worteleboere
hun percessie mèt zaank en meziek.
De kiekoete zien sjoen en prachteg verseerd
de femilies koume bijein en jao geine mankeert.

refrein:

De gievelstein is te vinde in Amsterdam, Hieregrach 243A. Heer is aofkomsteg vaan ’n hoes mèt ‘nen trapgievel, gebouwd in 1615, dat dao gestande heet. De steinhouwer heet vaan de print vaan Braun en Hogenberg oet 1575 ’t stökske “Wiek” aofgebeeld. Rechs oonder zeet geer ’t waope vaan Mestreech mèt 6 inplaots vaan 5 punte aon de staar!

Dees geluidsopnaome is oet 1978. ‘ne Gróp fervente Wiekenere, de femilie Loontjens, heet dit prachteg leedsje gezoonge op hun femiliereünie! De wijs zalt geer herkint höbbe: “Wien, Wien, nur du allein”. De wäörd zien vaan Theo Loontjens,

Dit bericht is geplaatst in Leedsjes, Verhaolende leedsjes met de tags . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *