Appele pere priesters proeme
Bizze-bizze-bame
De kat zal krame
D’n hoond zal spinne
Bruudsje te winne
Hamelsblok Pietersklok
Slók alles op en d’n dèksel trop!

Sjäölke speule en beie, dat hoort netuurlek bijein. Beie doge de kinder ederen daag, dao begóste ze op sjaol d’n daag mèt! En um noe bij ’t speule ech te beie, dat góng neet. Daorum woort mer ‘nen eige teks gemaak dee neet te begriepe waor. Es ’t mer kloonk wie ’n ech gebedsje.