Iech gong nao de mèrret
Iech koch ’n kooj
E stökske lever
veur de bever
E stökske long
veur de koejong
E stökske penske
Kiele-wiele-wenske
Dit is e kinderveerske (sommege lui besjouwe ’t es e leedsje), de meker is oonbekind. ’t Is al hiel aajd, wie aajd weite veer neet. Soms begint me mèt “Pattakon”! Dat is de naom vaan ‘nen awwe munt, dee e paar iewe geleie in de Zuideleke Nederlande hiel väöl gebruuk woort.
D’r zien versjèllende versies vaan dit veerske en ’t weurt ouch op 2 versjèllende menere gespäöld
Gewoenlijk späölde ‘ne volwassene ’t mèt ’t kinneke.
Speulwijze 1:
E geldstök in de hand vaan ’t kinneke lègke .
Daan ’t vuuske touwkniepe. Bij eder zinneke krijg ’t e tikske op dat
vuuske en bij de leste regel weurt ’t vuuske opegemaak, ’t geldstök droetgehäöld en ’t kinneke weurt gekieteld in ’t henneke.
-Speulwijze 2:
’t Kinneke hèlt z’n henneke op en bij eder zinneke
striek me eve euver ’t handpellemke.
Bij “kielewielewenske” weurt ’t gekieteld.
Teksversie 1 Mèt of zoonder pattakon meh es pattakon gebruuk woort begós me mèt ‘ne slaag op ’t henneke!
Pattakon!
Iech gong nao de mèrret
Iech koch ’n kooj
E stökske lever
veur de bever
E stökske long
veur de koejong
E stökske penske
Kiele-wiele-wenske
Teksversie 2 Gevoonde bij ’t woord Pattakon in d’n Endepols Dictionnair.
Pattakón!
Iech ging nao de mèrret
En koch ’n kooj
E stòkske van de lever
Veur ‘nen erreme wever,
E stökske van de long
Veur d’n erreme jong,
E stökske vaan de pens
Kiele-wiele-wens!
Teksversie 3 oet “De Limburger” Charles Thewissen leedsje 115
Pattacon!
Gaank nao de mèrt
Kaup ’n kooj
E stökske lever
Veur de bever
E stökske long
Veur de koejong
E stökske pens
Veur de zieke mens.
Kiele-wiele-wens.
De kook is nog neet op!
Hei volg ’n versie oet Kanne (Belsj) eve euver de grens:
Patacon!
Ga naar de merkt
Koopt een koei
Een bitje lever
Een bitje long
Voor den kranken jong(en)
Een bitje pene
Eet galliegense.
En nog eint oet “Het spel van moeder en kind” oet 1936
Handjeplak!
Ga naar de markt,
Koop er een koe,
De lever toe.
Een stukje lever,
Voor de zieke wever;
Een stukje pens,
Voor ’n ziek mens;
’n Stukje long
Voor de zieke jong.
Kiele, kiele, kiele.
Noe nog get euver dee munt, de pattacon of pattakon.
In de Zuideleke Nederlanden waor dee zèlvere munt hiel bekind en woort dèks gebruuk es rekeneenheid. Heer waor oongeveer 50 stuivers weerd en woort ouch “kruis(rijks)daalder” of “rijksdaalder” geneump. In aw aktes sprik me dèks euver specie-patacons: heimèt woort kontant geld gemeind.
Heioonder zeet geer ‘ne pattakon oet 1631;
Iech höb ‘ne sjoenen awwe foto vaan de Merret, boe die kooj gekoch is!
Geef een reactie