Sinterklaos vaan heineve
Dee heet ‘ne breef gesjreve
Mèt zien linkerhand
En mèt zien groet verstand

Sinterklaos vaan Heugem
Vluig op eine vleugel
Heer maak de kinder bang
En stik ze mèt ’n spang

Sinterklaos dao achter
Ging ‘ns nao de slachter
Koch ziech dao e stumpke
En lag ’t in e klumpke

Sinterklaos vaan oet Hare
Dee leet ziech lekker vare
Heer rijt vaan taak tot taak
Al mèt e groet gemaak

In Hasselt woort ‘nen aanderen teks gezoonge :

Sinter-Klaas van Leven (=Leuven)
Had een brief geschreven
Met zijn linke hand
Hij häër niet meer verstand ¹)

In 1920 woort Heugem bij Mestreech gevoog.

“Hare” is Borgharen. In de 12e iew hètde ’t “Hara”, vaan de 16e tot de 18e iew “Opharen.”
In 1474 kump de naom “Borchaeren” veur. In 1152 sprik me vaan “Castro apud Haren”.
De naom “Haren” kin me verbinde mèt ’t woord hare of here wat ‘ne lange hoeggelege (heuvel)rögk beteikent.
Borg is burcht.²)

Bronne:
¹) “Kinderspel en Kinderlust” oet 1907
²) Broeder Ananias (J.H.Devries) in “Sinterklaos- en Keersleedsjes” 1968 blz 6.
De broeder heet versjeie beukskes euver kinderleedsjes gesjreve.