[vc_row][vc_column width=”1/1″][vc_single_image border_color=”grey” img_link_target=”_self” image=”2349″ img_size=”full” el_class=”Leedsjes_image”][/vc_column][/vc_row][vc_row][vc_column width=”1/1″][vc_column_text]

[/vc_column_text][/vc_column][/vc_row][vc_row][vc_column width=”1/1″][vc_column_text el_class=”Leedsjes_tekst”]

Sus sus mie remmelke
mie remmelke is kepot
Iech höb ‘t laote make
‘t Kos miech ‘n kahot
Sus sus mie remmelke
Mie remmelke is kepot
Iech höb ‘t laote make
En ‘t kos miech ‘n kahot

[/vc_column_text][/vc_column][/vc_row][vc_row][vc_column width=”1/1″][vc_column_text]’t Woord “kahot” kump oet ’t Frans.
In Fraankriek zag me “carotte de tabac”. De Franse voonte naomelek tot e rölke (proum)touwbak op ’n wortel leek. De vörm vaan e rölke cent leek op ’t rölke touwbak en dus verbasterde de lui dee Franse naom “carotte” tot “kahot”.¹)
Henri Schuhmacher vertèlt in zien “Gedinksjrifte” tot ‘n kahot 50 cent waor.

In Mestreech woende in de Zabstraot, in ‘t ierste hoes veur de hoezer mèt de trepkes, eine dee mèt törf langs de deure góng. Heer woort ‘Sus d’n törf’ geneump. ‘t Is neet gans zeker of heer dee Sus oet ‘t leedsje is.
De femilie vaan Sus bestoont oet ‘n ma en 7 zäöns. Hadde de lui ‘t euver dees femilie daan woort noets hunne naom geneump meh zag me: ”Zeve duvele en ‘n heks”.
Boeveur? Dat wis geine. Es ‘Sus d’n törf’ door de straote leep reep heer:”Törf, moot d’r törf?” Raozeteg kós heer weure vaan ‘t ciefer 7 ! Es ein vaan de vrouwlui nao boete kaom en zag:”Jao, geef miech ‘rs mer zeve!” drejde heer door. Soms spraoke de vrouwlui mèt ein aof um allemaol zeve stöks törf te numme. Daan waor de boot aon, dat begrep geer wel!
Um ‘t verhaol compleet te make, later trouwde heer mèt Sieneke, boevaan me zag tot ze ‘ne slaag vaan de meule had. ’t Waor e good houwelek want ze verstoonte ziech wie twie ingelkes!²)

Bronne:
¹) “Endepols diksjenaer” blz.169
²) “Nónk Frans” door Frans Lahaye blz 71 en 72[/vc_column_text][/vc_column][/vc_row]