Iech bin Jannes vaan der Binne
Iech höb ’nen haon mèt achtien hinne
Geit mien zaak daan good veuroet
Koup iech miech ouch nog ’n sjroet !(kalkoen)

Refrein : Litsem, litsem fallederieje
Litsem, litsem falledera
Geit mien zaak daan good veuroet
koup iech miech ouch nog ’n sjroet !

Is dèks örges e vreetpertijke
Zèt miech daan mer op ’t leike
’t Lèste zoep iech oet de fles
en de bruudsjes steek iech in m’n tes !

Minckeleers dee zal wel dinke:
“Wat maag hei achter miech zoe stinke ?
Vendaog of mörge drej iech miech um
en tramp dee boer ziene kieskraom um !

In ’t leedsje weurt ’t standbeeld vaan Minckeleers aongehaold. Dee woort gebore op 2 dec. 1784 en storf 4 julie 1824.
Door kole in ’n geweerluip te verwerme wis heer gaas te make dat liechter waor es loch. En dat gaas waor ouch nog ins goojekoup! Hiel belaankriek umtot in deen tied de ballonvaart opkaom. Tegeliekertied oontdèkde heer, tot me dit gaas ouch kós gebruke um te verleechte.
Minckeleers kraog op de Kiesmerret e standbeeld dat op 10 julie 1904 oonthöld woort.
Dat beeld is gemaak door de kunsteneer Bart vaan Hove.