Zoondagsaoves nao tien ore,
en daan zien eus centsjes op.
En daan gone v’r
mer nao Lies Bosch touw,
en dao poompe (póffe?) veer mer löstig op.
Viva d’n ölger,
viva d’n ölger
Viva d’n ölger,
al vaan Lies Bosch (2 kier)

Dit leedsje kump in versjèllende variaties veur. Iech neum uuch eve de versjèlle op:

-‘t kós zoondagsaoves um 9 oor, nao tien oor of um elf oor gebäöre tot de cent op waore. Dat zal wel aon d’n doors gelege höbbe, dink iech.
-de Boschstraot woort opgegange of opgetrokke
-einmaol bij Lies góng me löstig drop los poompe (póffe?¹)  of löstig drop los danse.

Deen danszaol vaan Lies moot hiel bekind gewees zien want dao zien miejer leedsjes, mèt versjèllende milledie, op gemaak beveurbeeld “Bij Lies Bosch al in dee groete zaol“. Mèt ‘t zelfde refreinsje, dat wel! Heer heet gelege aon, wat sins 1903 de Herbenusstraot hèt.

¹) Póffe is de betaoling vaan get oetstèlle tot me weer cent heet.