Euver miech
Vaan kleins aof aon höbbe aw Mestreechse leedsjes mien belangstèlling gehad. Dat kaom umtot iech ‘n tant had, tant Lène, die dèks bij us thoes kaom. Mien tant kós al die aw leedsjes en waor ouch neet te beroerd um ze te zinge. Daan zóng iech netuurlek oet volle boors mèt.
Hiel get jaore denao kaom iech tot de oontdèkking tot väöl lui dees leedsjes neet mie kóste. Dao mós get aon gedoon weure aanders waore die leedsjes strak verdwene en de regel gelt: eweg is eweg en wat einmaol weg is, kump neet mie trök!
Veur mien femilie bin iech toen PowerPoints goon make. Iech zóng ze zelf in, neet umtot iech zoe sjoen kin zinge, nein umtot dat ‘t gemekelekste waor. Dees PowerPoints sjikde iech hun. Ze woorte leuk gevoonde en dóórgesjik.
Oondertösse gaon iech röstig wijer mèt verzamele vaan leedsjes en achtergroondverhaole bij die leedsjes. En … mèt ’t euverwinne vaan alle meujlekhede die ziech heibij veurdoen: oontbrekende milledieje, tekste vaan leedsjes die neet volledeg zien, dit soort dinger. Iech kin uuch vertèlle tot mien daog good gevöld zien!