Iech zit hei in mie kemerke
En druim vaan vreuger daog
Die noe al menneg jäörke zien geleie.
Es m’ch daan ‘ne maan ins get vruntelek bezaog
Daan zag iech: “Nein menier, iech wèl neet mèt uuch vrije!”
D’n eine waor get laank, d’n aandere get klein
En op ’t allerlès zaot iech gans moojerziel allein!

Refrein:
Och … had iech ‘ne maan, ‘nen echte gooje maan
Dee vaan miech hèlt en dee iech ouch
‘ns lekker knoevele kaan.
Meh dao kump noe toch niks mie vaan
“De liefde is gedaan”
Iech krijg ocherm, snachs neet werm
Zoonder ‘ne maan!

Es aonspraok had iech miech
e kanariepietsje aongesjaf
Dat vräögde in mien eenzaamheid mós bringe.
’t Waor ‘ne gooje zenger, soms stoont iech wel ins paf
Es iech hoort wie daoneg sjoen heer wel kós zinge.
’t Kloonk zoe hoeg en zuver, meh ei dink dat steit vas
Iech had liever ‘ne maan al waor ’t ’n valse twiede bas!
Refrein: