Sjeel is me zuster
motteg is me broor.
Daan höb iech nog ‘nen aandere
dee zuut (sjit) zoe greun
wie poor!

In de sjouwbörg vaan Mestreech woorte geregeld opera-oetveuringe gegeve. De Mestreechtenere waore hiel bekind mèt populair ariaas oet die opera’s. Dat kaom umtot veer hei hiel dèks operagezèlsjappe nao touw haolde. En die hadde altied ‘t zelfde rippertoir. Miestal waore dat boetelenders oet Luik, Namur, Verviers of Aoke. De artieste droge volges Olterdissen allemaol Italiaonse naome, zelfs es ’ne Mestreechse zenger mètdoog kraog heer achter ziene naom ‘n
a of ‘n i geplak.
Wie Mestreechtenere zien, zie pasde d’n tekst vaan d’n opera aon in ‘t Mestreechs. ’t Kaom geregeld veur tot bij ’n oetveuring dee Mestreechter teks hèlop woort mètgezoonge.
‘Sjeel is me zuster” is zoen euverbekinde milledie (oet d’n opera “Carmen”) die door de ganse zaol in ’t Mestreechs woort mètgezoonge.