Spierelinge spierelinge,
Kroepe door de mèstem
Alle jonges douge neet
En de meidskes zien de bèste
Hou soldaat mijn lieve kameraad,
Hou soldaat mijn lieve kameraad

‘ne Spiereling kin twie dinger beteikene:

– ‘ne zier magere persoen
– ‘ne slinger in ‘ne reidans ¹)

“Spierelinge kroepe (rij mer) door de mèstem” is ‘ne slingerdans of ‘ne reidans. Me pakde ziech vas bij de hand en trok zoe wijer. De jonges zónge netuurlek: “Alle meidskes douge neet en de jonges zien de bèste”.
Sjarel Thewissen zaoleger zeet euver ’t woord ‘mèstem’ tot d’n eine hei ‘moostuin’ oonder verstoont en d’n aandere ‘ne ‘mèshoup’. Iech höb m’ch altied aofgevraog boeveur me ‘ne rijaloet daan um ‘ne mèshoup zouw goon danse! Dat woord zal in de loup vaan d’n tied wel verbasterd gewore zien en is oersprunkelek get aanders gewees. Of … ’t woord ‘spierelinge’ liekent op ‘pieringe’ en die kroepe wel door de mèstem!
“Spierelinge” woort es variatie gedans in plaots vaan de “Rijaloet Wagel”. Nao ’t leedsje “Spierelinge” kaom (haos) altied ’t leedsje “Eelesegnon”. Daonao kaome alle bekinde straotleedsjes.
Dao woort ouch wel ins ‘ne spiereling getrokke wie d’n teks vaan ’t leedsje hei-oonder zeet. Mer dat leedsje had ‘n gans aander milledie.

Wij trekken ene spiereling al door die straat.
En van je hei-sa-sa,en van je hop-sa-sa.
En wij trekken ene spiereling al door die straat. ²)

 

Bronne :¹) Endepols
              ²) “Kinderleedsjes Kinderveerskes” door Broeder Ananias  de