Stèl is de nach sterre stoon zach
Deep in ’t blauw vaan de nach
Stèl zit Slevrouw bij ’t kribke en kiek
Kiek nao ‘r keend is d’n hiemel te riek
Stèl hèlt Sint Zjozef de wach
Stèl hèlt Sint Zjozef de wach

Stèl is de nach ’t kinneke lach
Lach nao Slevrouw mèt uigskes zoe zach
Zach wie ’n blom en wie steerkes zoe deep
Wel wouw Slevrouw tot ‘r kinneke sleep
Stèl hèlt Sint Zjozef de wach
Stèl hèlt Sint Zjozef de wach

Stèl is de nach gone veer zach
Zach nao ’t kribke boe Zjezeke wach
Geve veer alles aon häöm dee us gaof
Al wat ‘r had en d’n hiemel belaof
Eder dee hei aon häöm dach
Eder dee hei aon häöm dach

De Mestreechsen teks is vaan broeder Edgard Heynen
’t Oersprunkeleke “Stille Nacht” woort gecomponeerd door d’n Oostenrieker Franx Xavier Gruber (1787-1863) en d’n Duitsen teks is vaan Joseph Mohr.
’t Woort veur d’n ierste kier ten gehure gebrach in de dörpskèrk vaan Oberndorf op keersaovend vaan ’t jaor 1818.
Umtot d’n örgel kepot waor, woort ’t oetgeveurd mèt behölp vaan striekinstruminte, 2 hoorns en gitaar.